ತಾವಾಯಿತು, ತಮ್ಮ ಅಭ್ಯಾಸವಾಯಿತು ಎಂದು ಇರುವ ವಯಸ್ಸಿನಲ್ಲಿ, 9 ವರ್ಷದ ಬಾಲಕಿಯೊಬ್ಬಳು ಗ್ರಂಥಾಲಯವೊಂದನ್ನು ನಡೆಸುತ್ತಿದ್ದಾಳೆ.
ಭೋಪಾಲಿನ ಮುಸ್ಕಾನ್ ಎಂಬ ವಿದ್ಯಾರ್ಥಿನಿ ಚಿಕ್ಕ ವಯಸ್ಸಿನಲ್ಲೇ ಎಲ್ಲರ ಮೆಚ್ಚುಗೆ ಗಳಿಸಿದ್ದಾಳೆ. ಇವಳು ಒಂದು ಪುಟ್ಟ ಗ್ರಂಥಾಲಯವನ್ನು ನಡೆಸುತ್ತಿದ್ದಾಳೆ. ಇವಳ ಗ್ರಂಥಾಲಯದಲ್ಲಿ 121 ಪುಸ್ತಕಗಳಿವೆ. ಮೂರನೇ ಕ್ಲಾಸಿನಲ್ಲಿ ಓದುತ್ತಿರುವ ಮುಸ್ಕಾನ್ ನ ಗ್ರಂಥಾಲಯ ಇರುವುದು ಒಂದು ಸ್ಲಮ್ ನಲ್ಲಿ.
ಶಾಲೆ ಮುಗಿದ ನಂತರ ಮುಸ್ಕಾನ್ ತನ್ನ ಮನೆಯ ಮುಂದೆ ಪುಸ್ತಕಗಳನ್ನು ಇಟ್ಟುಕೊಳ್ಳುತ್ತಾಳೆ. ಸ್ಲಮ್ ಮಕ್ಕಳನ್ನೆಲ್ಲ ಕರೆದು ಅವರಿಗೆ ಪುಸ್ತಕಗಳನ್ನು ಓದಲು ಪ್ರೇರೇಪಿಸುತ್ತಾಳೆ.
‘ಬಾಲರ ಪುಸ್ತಕಾಲಯ’ ಎಂಬ ಹೆಸರಿನ ಈ ಗ್ರಂಥಾಲಯಕ್ಕೆ NITI ದೆಹಲಿಯಲ್ಲಿ ‘ಥಾಟ್ ಲೀಡರ್’ ಪುರಸ್ಕಾರ ನೀಡಲು ನಿರ್ಧರಿಸಿದೆ.