ಚೆನ್ನೈನ ತಾಂಬರಮ್ ಏರ್ ಬೇಸ್ ನಿಂದ ಅಂಡಮಾನ್ ನ ಪೋರ್ಟ್ ಬ್ಲೇರ್ ಗೆ ಹೊರಟಿದ್ದ ವಾಯುಪಡೆಗೆ ಸೇರಿದ್ದ AN-32 ವಿಮಾನ, ಇಂದು ಬೆಳಿಗ್ಗೆ ಚೆನ್ನೈನಿಂದ 150 ನಾಟಿಕಲ್ ಮೈಲು ದೂರದಲ್ಲಿ ನಾಪತ್ತೆಯಾಗಿದ್ದು, ತೀವ್ರ ಹುಡುಕಾಟ ನಡೆದಿದೆ.
6 ಮಂದಿ ಸಿಬ್ಬಂದಿ ಸೇರಿದಂತೆ ಒಟ್ಟು 29 ಮಂದಿ ಈ ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದು, ಬಂಗಾಳ ಕೊಲ್ಲಿಯಲ್ಲಿ ವಿಮಾನ ಪತನಗೊಂಡಿರಬಹುದೆಂಬ ಶಂಕೆಯ ಹಿನ್ನಲೆಯಲ್ಲಿ ನೌಕಾದಳದ ನಾಲ್ಕು ಹಡಗುಗಳು ಹಾಗೂ ವಾಯುಪಡೆಯ ವಿಮಾನಗಳು ಹುಡುಕಾಟ ನಡೆಸಿವೆ.
ಬೆಳಿಗ್ಗೆ 7-30 ಕ್ಕೆ ತಾಂಬರಮ್ ಏರ್ ಬೇಸ್ ನಿಂದ ಟೇಕಾಫ್ ಆದ ಈ ವಿಮಾನ, 8-15 ರ ಸುಮಾರಿಗೆ ರೆಡಾರ್ ಸಂಪರ್ಕ ಕಳೆದುಕೊಂಡಿದೆ ಎನ್ನಲಾಗಿದ್ದು, ಈಗ ವಿಮಾನದ ಪತ್ತೆಗೆ ಶೋಧ ಕಾರ್ಯ ತೀವ್ರಗೊಂಡಿದೆ.